f1_21rinore-jpg1335036379

22.04.2012

Në organizim të Forumit të Rinisë së Lidhjes Demokratike te Kosovës, të shtunën në Prishtinë, u mbajt takimi i forumeve rinore të partive politike shqiptare nga të gjitha trevat etnike shqiptare.

Në takim morën pjesë 12 forume rinore, ndërmjet të cilëve edhe përfaqësuesi i të rinjve të Rilindjes Demokratike Kombëtare, Shenazi Salihi i shoqëruar nga anëtari I kryesisë qendrore, Afrim Iljazi.   Në takim u bisedua dhe u listuan një numër i aktiviteteve që të rinjtë e partive politike shqiptare do t’i organizojnë për të shënuar 100 - vjetorin e pavarësisë së Shqipërisë.

“Në këtë përvjetor të rëndësishëm të rinjtë shqiptar, sot, kanë nevojë të kenë universitete e arsim cilësor të nivelit evropian. Do të jemi ne të rinjtë, që do të zgjedhim se si do të jetojmë të tashmen dhe të ardhmen tonë me bindjen e thellë se drejtësia, paqja, harmonia dhe bashkëpunimi ndërmjet  kombeve janë ndër  vlerat  më  të  larta  të njerëzimit. Shënimi i 100- vjetorit të shtetit shqiptar është shkas i këtij takimi, i cili do të vazhdoj përtej shënimit të kësaj date”, theksoi ndërmjet tjerash në hapjen e takimit, kryetari i FR LDK-së Xhafer Tahiri.

Përfaqësuesit e forumeve rinore i priti kryetarin e Lidhjes Demokratike të Kosovës, Isa Mustafa dhe ministri i kulturës të Kosovës, Memli Krasniqi., ndërsa gjatë drekës bashkëbiseduan me historianin dhe autorin e librit “Historia e Kosovës”,  Jusuf Buxhovin.

Të rinjtë e partive politike shqiptare nga të gjitha trojet etnike bënë vizitë dhe homazhe te varri i presidentit historik Dr. Ibrahim Rugova dhe u pritën nga familja Rugova.

Takimi i të rinjve të partive politike shqiptare nga të gjitha trojet etnike përfundoi me vizitë homazhe te varrezat e dëshmorëve në Prekaz, te varri i  Komandantit Legjendar të UÇK-së Adem Jashari.

“Në këtë përvjetor të rëndësishëm të rinjtë shqiptar, sot, kanë nevojë të kenë universitete e arsim cilësor të nivelit evropian. Do të jemi ne të rinjtë, që do të zgjedhim se si do të jetojmë të tashmen dhe të ardhmen tonë me bindjen e thellë se drejtësia, paqja, harmonia dhe bashkëpunimi ndërmjet  kombeve janë ndër  vlerat  më  të  larta  të njerëzimit. Shënimi i 100- vjetorit të shtetit shqiptar është shkas i këtij takimi, i cili do të vazhdoj përtej shënimit të kësaj date”, theksoi ndërmjet tjerash në hapjen e takimit, kryetari i FR LDK-së Xhafer Tahiri.

Në takimin e parë të forumeve rinore të partive shqiptare i cili u mbajt në Shkup më 31 mars në organizim të BDI-së, nuk u ftuan përfaqësues të RDK-së. Takimi i radhës do të mbahet në Ulqin.

Sektori për informim - RDK