20Maj2012

Ftesa e zyrtarëve të BDI-së që SHBA, BE, NATO dhe OSBE të monitorojnë procesin për zbardhjen e rastit të fundit me të arrestuarit shqiptarë, janë vetëm shpëlarje goje për të mashtruar opinionin publik dhe tentim për ikje nga përgjegjësia.

Ftesa e çuditshme e BDI-së për vëzhgimin e procesit gjyqësor të të arrestuarve të fundit nga OSBE-ja, është një shou politik i cili të vetmin qëllim ka shmangien e përgjegjësisë së partisë së tij në pushtet para opinionit.

I kujtojmë krerëve të BDI-së se OSBE edhe pa ftesën e tyre i përcjell në vazhdimësi zhvillimet politike në Maqedoni, duke përfshirë edhe vëzhgimin e proceseve gjyqësore me rëndësi por, siç kanë treguar edhe proceset e tjera të vëzhguara nga OSBE: ‘Vreshtat e Rashtakut’, ‘Sopoti’ dhe ‘Brodeci’, roli i OSBE-së aty është vetëm ai i një vëzhguesi të thjeshtë. Së këndejmi ftesat e BDI-së janë vetëm shpëlarje goje për të mashtruar opinionin publik dhe tentim për ikje nga përgjegjësia, sepse sistemi juridik në Maqedoni si edhe angazhimet e OSBE-së nuk nënkuptojnë përfshirjeb e saj në procedurat hetimore apo gjyqësore e as në vendimmarrjet e gjykatave.

RDK, kundër ndryshimeve të Ligjit për shtyllën e dytë të sigurimit pensional

18.05.2012 - Vendimi i Qeverisë së RM-së, që parasheh ndryshim të Ligjit për sigurim obligativ kapital financiar pensional, që kësaj jave kaloi leximin e parë, paraqet ndërhyrje shtetërore dhe përzierje në politikën investive të shoqatave pensionale të cilat me ligj janë themeluar për të administruar me paratë e të siguruarve pensional.

Rilindja Demokratike Kombëtare konsideron se në rast se Kuvendi e voton një zgjidhje të këtillë në seancën e radhës, praktikisht ajo do të jep dritë jeshile për zvogëlimin e mjeteve të llogarive individuale të personave të siguruar. Ky deficit do të shkaktojë efektin psikologjik në treg, nga shkaku se shoqëritë do të duhet që doemos të shkurtojnë afatin, gjegjësisht deri në 15 janar të vitit 2013, t’i tjetërsojnë (shesin) euro-obligacionet dhe kjo do të shkaktojë presion në treg dhe sipas të gjitha gjasave do të shantazhohen nga blerësit eventual që t’i ulin çmimet me të cilin ulet edhe vlera e investimit pensional të qytetarëve në shtyllën e dytë.

Rilindja Demokratike Kombëtare, konsideron se kjo zgjidhje ligjore është antikushtetuese dhe nëse ajo miratohet këtë do ta kontestojë Gjykata kushtetuese, nga shkaku se me të cenohet parimi kushtetues i lirisë së tregut dhe sipërmarrësisë.

Sektori për informim - RDK

VIDEO - Prezantimi i kryetarit Osmani para përfaqësuesve të Bankës Botërore

Komuna e Gostivarit një ndër komunat lider në nivel të Ballkanit Perëndimor

17.05.2012 - Komuna e Gostivarit e zgjedhur si një nga komunat më reformatore në Ballkanin Perëndimor kishte nderin të ketë mysafir një delegacion të gjerë prej 60 profesionistëve të Bankës Botërore si përfaqësues nga vendet e Ballkanit Perëndimor. Në sallën e Këshillit të Komunës ë Gostivarit, kryetari Osmani në cilësinë e udhëheqësit të komunës dhe të profesorit universitar, prezantoi në gjuhën angleze të arriturat e komunës për periudhën kohore 2009-2012.

Ne një prezantim të argumentuar shkencor, kryetari Osmani prezantoi strategjinë e menaxhimit të borxhit komunal, të hyrave dhe shpenzimeve dhe reformat e zbatuara të cilat nëpërmjet politikave të shëndosha fiskale dhe menaxheriale mundësuan që komuna të menaxhojë në tërësi borxhin enorm dhe në vitin 2012 të transformohet në komunën me investime kapitale më të mëdha në nivel të vendit nga buxheti vetjak.

Kryetari Osmani prezantoi se më datë 13.04.2009, kur ai mori mandatin e kryetarit, komuna kishte vetëm 5 mijë euro në xhiro-llogari dhe kishte një borxh të trashëguar në ngarkesë të buxhetit prej 3.5 milion euro dhe një borxh total prej 11.100.000 euro.

Lexo më shumë...

Konstituohet dega e RDK-së në Butel – kryetar zgjidhet Naser Curri

Osmani: Organizatoret e protestave popullore duhet te artikulohen politikisht që të jenë pjesë e ambientit demokratik

15.05.2012 - Rilindja Demokratike Kombëtare mbajti kuvendin zgjedhor në degën e Butelit, me ç’rast kuvendarët njëzëri për kryetar të degës zgjodhën pedagogun e gjuhës shqipe, Naser Curri dhe kryesinë 17 anëtarëshe.

Në kuvendnin zgjedhor të degës së RDK-së në Butel, morën pjesë kryetari Rufi Osmani, deputetët Izet Zeqiri dhe Flamure Kreci-Demiri, si dhe kryetari i degës së Çairit - Gykten Haziri.

“Si pedagog i gjuhës shqipe, duke njohur veprën dhe rolin e rilindësve tonë kombëtar, e aq më tepër nga shkaku se në krye të partisë e cila mban emrin Rilindje është profesori i nderuar dhe i dëshmuar prej shumë herët në planin kombëtar, Rufi Osmani, prej formimit të kësaj partie u zotova që do t’i shërbejë me gjithë qenien time. Tani kur ma dhatë besimin që unë ta udhëheq degën e RDK-së në komunën e Butelit, marr përsipër se do të punoj me përkushtimin më të madh dhe së bashku me ju do të realizojmë programin e kësaj partie”, tha Naser Curri pas zgjedhjes së tij për kryetar dege.

Lexo më shumë...